Под самиот Говардхан светкаат езерца, сеници и места што Кришна ги разубавил со Своите игри. Околу нив се спуштаат водопади. На исток лежи езерцето Дана-нивартана. Само што ќе се сети на него, саканиот на Радха затреперува и му се наежува кожата од радост. Уште понаисток е Чандра-саровара, езерото на Месечината. Сеќавањето на многуте танци раса таму ги наведува Радха и Кришна одненадеж да затанцуваат во сопствената радост. На југоисток е Санкаршана-ананда-саровара, езерото на радоста на Санкаршана. Источно од него блеска Гаури-тиртха, местото што Шива, сопругот на Гаури, го одминува. Изобилниот нектар на среќата од Неговите вечни лили со Неа го прави саканиот мајстор на вештините во шумските сеници.
Меѓу езерата Санкаршана и Дана-нивартана, во срцето на ридот, е Ананда-раџа. Таму големиот празник Анакута Го радува младиот престолонаследник Кришна. На запад се Дана-гхата и Сумани-гхата, блескави премини драги на Кришна. Тука Радха и Кришна си разменуваат духовити зборови за давачката. Кој би ги слушнал нивните зборови без восхит? Штом разиграната расправија ќе стигне до ушите, вели поетот, потанцуваат и умот и телото.
