Во Вриндаван, Радха Го прашува темниот Кришна кој е Тој. „Јас сум Хари“, ѝ одговара Кришна. Радха во името Хари слуша и „лав“. „Тогаш овој Вриндаван останал без елени“, Му возвраќа.
„О, досетлива девојко, Јас сум Мадхава“, ѝ вели Тој. Мадхава е и име за месецот Ваишакха. Радха се чуди како се појавил Ваишакха во погрешно време.
„Знај, мила, Јас сум Џанардана“, продолжува Кришна. Сега Радха во името слуша „оној што им задава мака на луѓето“. Ако е така, Му вели, тогаш шумата е вистинското место за Него.
На крајот Кришна ѝ вели дека е Мадхусудана. Во името одѕвонува и зборот за мед. Радха вели дека сега знае кој е. „Ти прилега да бидеш пчела“, Му вели. Таа ја нарекува пчелата „двирепха“, што значи „со две р“. И „бхрамара“, зборот за пчела, и „барбара“, збор за простак, имаат по две р. Со истата досетка Радха Го задева Кришна како селски пастир.
